వైఎస్- అప్పుడు, ఇప్పుడు!

ముఖ్యమంత్రి రాజశేఖరరెడ్డి రాష్ట్ర అవతరణ దినోత్సవాల సందర్భంగా ఒకేరోజు దాదాపు పదిహేను కోట్ల రూపాయల ప్రజాధనాన్ని ప్రకటనల రూపంలో ఖర్చు చేయడం వివాదాస్పదమవుతోంది. వైఎస్ ను చూసి తెలుగుతల్లి ఆనందిస్తోందంటూ ఆ రోజు కొన్ని ప్రకటనలు దినపత్రికల్లో వచ్చాయి. ప్రజాధనంతో అటువంటి ప్రకటనలు జారీ చేయడం నేరమంటూ ఒంగోలులో ఒక పోలీసు కేసు నమోదైంది.

చంద్రబాబు నాయుడు ప్రచారానికి ప్రభుత్వ సొమ్మును మంచినీళ్ళలా ఖర్చు చేస్తున్నారని, ఆ డబ్బుతో రైతులకు ఉచిత విద్యుత్ ఇస్తానని, ప్రచారాలకు డబ్బు ఖర్చు చేయనని పాదయాత్రలో ప్రజలకు చెప్పుకున్న వైఎస్ ఇప్పుడు చేస్తున్నది ఏమిటి? చంద్రబాబు నాయుడి కంటే విచ్చలవిడిగా ప్రజాధనాన్ని ప్రచారం కోసం ఖర్చు చేస్తున్నారు. వైఎస్ ప్రభుత్వం ఇచ్చిన ప్రకటనలను తీసుకున్న ఒక దినపత్రిక అదే రోజు నుంచి ఆయన మీద, ఆయన మనస్తత్వం మీద వ్యతిరేక వార్తాకథన సిరీస్ ను ప్రారంభించడం విశేషం.

స్వయంగా ఒక భారీ దినపత్రిక (వైట్ ఎలిఫెంట్) ను నడుపుకుంటున్న వైఎస్ పనిలో పనిగా ప్రజాధనంలో సింహ భాగాన్ని తన పత్రిక కోసం తీసుకోవడం విశేషం. కొన్ని వందల కోట్ల ప్రజాధనాన్ని ఇటువంటి ప్రకటల ద్వారా ఖర్చు చేయనున్నట్టు సమాచారం.