హరికృష్ణకు బెదిరిన చంద్రబాబు?

తమ బావ మరిది, రాజ్యసభ సభ్యుడు నందమూరి హరికృష్ణకు తెలుగుదేశం పార్టీ అధ్యక్షుడు నారా చంద్రబాబు నాయుడు బెదిరిపోయినట్లు గిట్టనివారు ప్రచారం చేస్తున్నారు. హరికృష్ణకు భయపడే ఆయన పార్టీ కార్యవర్గాన్ని ఏర్పాటు చేయలేదని అంటున్నారు. గత మహానాడు తర్వాత కొత్త కమిటీని వేయాల్సి ఉండింది. అయితే, చంద్రబాబు చల్లగా దాన్ని పక్కన పెట్టేశారు. తనతో తీవ్రంగా విభేదిస్తున్న హరికృష్ణ కార్యవర్గ జాబితా రూపకల్పనలో చేయి చేసుకుంటే మొదటికే మోసం రావచ్చునని చంద్రబాబు భయపడ్డారట. అందుకే దాన్ని పక్కన పెట్టేశారు.

కేంద్ర ఎన్నికల కమిషన్ (ఇసి) నుంచి నోటీసు రావడంతో ఇప్పుడు కార్యవర్గాన్ని ఏర్పాటు చేస్తున్నట్లు చెబుతున్నారు. పాత కమిటీనే కొనసాగించే అవకాశాలున్నాయని చెబుతున్నారు. మహానాడులో చేస్తే అందరి మాటలు వినాల్సి వస్తుంది. ఎవరూ లేనప్పుడు ఓ జాబితాను రూపొందించి విడుదల చేస్తే తర్వాత వచ్చే సమస్యలను ఎదుర్కోవచ్చునని చంద్రబాబు వ్యూహమట. ఏమైనా, రాజకీయాల్లో వ్యూహాలకు చంద్రబాబును చెప్పుకున్న తర్వాతనే ఎవరినైనా చెప్పుకోవాలంటారు.

English summary

It is said that TDP president N Chandrababu naidu has put off party executive committee because of Harikrishna.