బాబాపై సత్తెమ్మ దేవత ఆగ్రహం?

సత్య సాయిబాబాపై పుట్టపర్తి గ్రామదేవత సత్తెమ్మ ఆగ్రహం వ్యక్తం చేసినట్లు ప్రచారం జరుగుతోంది. అందువల్లనే సత్య సాయిబాబా ఆరోగ్యం క్షీణించినట్లు నమ్ముతున్నారు. ఆరు నెలల క్రితం సత్తెమ్మ దేవత విగ్రహాన్ని తొలగించి, బుక్కపట్నం చెరువులో నిమజ్జనం చేసి, కొత్త విగ్రహాన్ని బాబా సోదరుడు రత్నాకర్ ప్రతిష్టించారు. అప్పటి నుంచి సత్యసాయిబాబా కుటుంబాన్ని అరిష్టం తాకిందని విశ్వసిస్తున్నారు. సోమవారం రాత్రి ఓ మహిళను సత్తెమ్మ దేవత ఆవహించినట్లు కూడా చెబుతున్నారు. తన పాత విగ్రహాన్ని ప్రతిష్టిస్తే శాంతిస్తానని ఆమె చెప్పిందట. దాంతో ప్రజలు సత్తెమ్మ పాత విగ్రహం కోసం అన్వేషణ ప్రారంభించారు.

సోమవారం రాత్రి పది గంటల ప్రాంతంలో జెసిబిలతో సత్తెమ్మ పాత విగ్రహం కోసం గాలింపు చేపట్టారు. బుక్కపట్నం చెరువంతా జల్లెడ పట్టారు. దీంతో సత్తెమ్మ విగ్రహం దొరికింది. దాన్ని పుట్టపర్తికి తరలించి తిరిగి ప్రతిష్టించేందుకు ప్రయత్నాలు సాగిస్తున్నారు. ఆ విగ్రహాన్ని ప్రతిష్టిస్తే సత్య సాయిబాబు కోలుకుంటారని నమ్ముతున్నారు. మార్చి 28వ తేదీన సత్య సాయిబాబా సూపర్ స్పెషాలిటీ ఆస్పత్రిలో చేరారు.

English summary

Villagers of Puttaparthi are ina notion that village diety Sattemma is angry at Satya Saibaba as its old statue was removed and new statue is erected. They are saying that due to Sattemma diety Sathya Saibaba is suffering from il health.