• search

జగన్ ఇలాకా పులివెందులలో నారా లోకేష్ పాగా?

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Nara Lokesh
    కడప: వైయస్సార్ కాంగ్రెసు పార్టీ అధ్యక్షుడు వైయస్ జగన్ ఇలాకా పులివెందులలో తెలుగుదేశం పార్టీ అధ్యక్షుడు నారా చంద్రబాబు నాయుడి తనయుడు నారా లోకేష్ పాగా వేసే ప్రయత్నాలు చేస్తున్నారని అంటున్నారు. కడప జిల్లా పులివెందులలో ఓ భారీ కార్యక్రమాన్ని నారా లోకేష్ చేపట్టనున్నట్లు సమాచారం. ఎన్టీఆర్ ట్రస్ట్ తరపున నిర్వహించే ఈ కార్యక్రమంలో నారా లోకేష్ పాల్గొని కార్యకర్తలకు ధైర్యం నూరిపోస్తారని అంటారు.

    తెలుగుదేశం పార్టీ అధినేత నారా చంద్రబాబు నాయుడి వారసుడిగా రాష్ట్ర రాజకీయాల్లో అడుగుపెట్టాలని నారా లోకేష్ ఉవ్విళ్లూరుతున్నారు. అందులో భాగంగా ఆయన పార్టీ కార్యక్రమాల్లో చురుగ్గా పాలుపంచుకుంటున్నారు. తన నాయకత్వ ప్రతిభను నిరూపించుకునేందుకు ఇప్పటికిప్పుడు పార్టీ పదవిని చేపడితే స్వపక్షం నుంచే కాకుండా, ప్రతిపక్ష పార్టీల నుంచి కూడా విమర్శలు వచ్చే అవకాశం ఉంది. అందుకే ఆయన మరో మార్గంలో పార్టీపై ఆధిపత్యం కోసం ప్రయత్నిస్తున్నట్లు చెబుతున్నారు.

    వివిధ జిల్లాల్లో జరిగే పార్టీ నేతల వివాహాది శుభకార్యాలకు, స్వచ్చంధ సంస్థల కార్యక్రమాలకు హాజరవుతూ పార్టీ నేతల్లో తన పట్టును పెంచుకుంటున్నారు. అదేసమయంలో ఎన్టీఆర్ ట్రస్ట్ తరపున కొన్ని కార్యక్రమాలను నిర్వహిస్తున్నారు. ఇందులో భాగంగానే దివంగత నేత వైయస్ రాజశేఖర రెడ్డికి కంచుకోట ఉంటూ వస్తున్న పులివెందులలో ఓ కార్యక్రమాన్ని భారీ ఎత్తున నిర్వహించాలని భావిస్తున్నారు.

    నారా లోకేష్ పులివెందుల కార్యక్రమానికి తెలుగుదేశం పార్టీ స్థానిక నేతలు ఏర్పాట్లు చేస్తున్నారు. ఈ కార్యక్రమంలో నారా లోకేష్ పాల్గొని పార్టీ నేతలతో కలిసిపోవాలని భావిస్తున్నారు. నారా లోకేష్ ప్రయత్నం ఫలిస్తుందో లేదో చూడాలి.

    English summary
    It is said that the Telugudesam party president Nara Chandrababu Naidu's son Nara Lokesh may participate in a program to be organised at YSR Congress president YS Jagan's bastion Pulivendula of Kadapa district.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more