మహిళా క్రికెటర్లే నయం!

హైదరాబాద్‌ః ప్రపంచం యావత్తు ఆసక్తిగా ఆనందించే క్రీడ క్రికెట్‌. భారత దేశంలో కూడా క్రికెట్‌ కు అసాధారమైన ఆదరణ వుంది. అయితే భారత క్రికెట్‌ బోర్డు నుంచి..... క్రికెట్‌ ఆటగాళ్ళ వరకు ప్రేక్షకుల్ని రంజింపచేసిన సందర్భాలు చాలా తక్కువే అని చెప్పాలి. అయితే పెద్దగా ఆదరణలేని భారత మహిళాక్రికెటర్లు మాత్రం గత రెండు రోజులుగా హైదరాబాద్‌ లో క్రికెట్‌ అభిమానులను అలరించారు. ఇంగ్లాండ్‌ తో జరుగుతున్న సిరీస్‌ లో వరుసగా మూడు అద్భుత విజయాలు సాధించి సత్తా నిరూపించుకున్నారు.

దట్స్‌ క్రికెట్‌ డాట్‌ కాం కు చెందిన మమతా బెన్‌ లాల్‌ బహదూర్‌ స్టేడియంలో పరుగులు పంట పండించింది. హైదరాబాద్‌ కు చెందిన మైథిలీ రాజ్‌ చక్కగా ఆడి 31 పరుగులు చేయడంతో పాటు కీలకమైన మూడు వికెట్లు పడగొట్టి ఉమన్‌ ఆఫ్‌ ది మ్యాచ్‌ అవార్డు దక్కించుకుంది. 191 పరుగులు చేసిన భారత్‌ మహిళలు ఇంగ్లాండ్‌ జట్టును 79 పరుగులకే ఆలౌట్‌ చేయడం విశేషం. మహిళా జట్టు ఇంతగా రాణిస్తున్నా వీరి మ్యాచ్‌ కు లభించిన ఆదరణ గానీ, వారికి ఇచ్చే పారితోషికాలు కానీ నామమాత్రమే కావడం విచారకరం. మహిళాజట్టును చూసైనా గంగూలీ బృందం స్ఫూర్తి పొందాలేమో!