ప్రసంగానికి దేశం ప్రశంస

హైదరాబాద్‌ః బడ్జెట్‌ సమావేశాల ప్రారంభం సందర్భంగా ఆంధ్రప్రదేశ్‌ రాష్ట్ర గవర్నర్‌ రంగరాజన్‌ శాసనసభను ఉద్దేశించి చేసిన ప్రసంగంలో అభివృద్ధి, సంక్షేమ విధానాల రూపకల్పన కోసం ప్రభుత్వం చేస్తున్న ప్రయత్నాలను చక్కగా వివరించారని అధికార తెలుగుదేశం పార్టీ ప్రశంసించింది.

శుక్రవారం నాడు గవర్నర్‌ ప్రసంగం తర్వాత ప్రభుత్వవిప్‌ రఘనాథ్‌రెడ్డి, ఎమ్మెల్యేలు ఎన్‌ సుధాకరరావు, బాలవర్ధన్‌రావువిలేకరులతో మాట్లాడుతూ, ముసాయిదా బడ్జెట్‌ ప్రతిపాదనలను ముందుగానే ప్రజలకు తెలియజేయడం హర్షణీయమని అన్నారు.విద్య, వైద్య ఆరోగ్యం, నీటిపారుదల రంగాలకు సంబంధించిన పథకాల గురించి ఈ ప్రసంగంలో సమగ్రంగావివరించి చెప్పారని, అదే విధంగా ఎస్సీ, ఎస్టీ, బిసి, మైనార్టీల సంక్షేమం కోసం ప్రభుత్వం చేపట్టనున్న సంక్షేమ కార్యక్రమాలను గవర్నర్‌ ప్రస్తావించారని వారు తెలిపారు. స్థానిక సంస్థల ఎన్నికలను, మున్సిపల్‌ ఎన్నికలను సకాలంలో ముగించిన ఘనత తెలుగుదేశం పార్టీకి దక్కుతుందని వారు చెప్పారు. ఇటీవల జరిగిన మున్సిపల్‌ ఎన్నికల్లో ప్రజల్లో తెలుగుదేశం పార్టీ పట్ల వున్న ఆదరణ స్పష్టంగా వెల్లడయిందని ఆయనవివరించారు.