• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాజు లేఖలో నిజం లేదు:ఐసిఎఐ

By Staff
|

Ramalinga Raju
న్యూఢిల్లీ :సత్యం రామలింగరాజు లేఖలో పేర్కొన్న అంశాలు పూర్తిగా నిజాలు కావని, వాటి వెనుక ఏదైనా మతలబు ఉండవచ్చని తాను నమ్ముతున్నట్లు ఇనిస్టిట్యూట్‌ ఆఫ్‌ చార్టర్డ్‌ అకౌంట్స్‌ ఆఫ్‌ ఇండియా (ఐసిఎఐ) అధ్యక్షుడు వేద్‌ జైన్‌ తెలిపారు. అలాగే కంపెనీలో జరుగుతున్న విషయాలు బోర్డు మెంబర్లకు గాని బిజినెస్‌ లీడర్లు, సీనియర్‌ ఎగ్జిక్యూటివ్‌లకు తెలియదని లేఖలో తెలపటం సరైనది కాదని అన్నారు.

ఒక అకౌంటెంట్‌గా దీనిని ఏ మాత్రం అర్ధం చేసుకోలేనని, లేఖలో పేర్కొన్నట్లు రాత్రికి రాత్రే 5 వేల కోట్ల రూపాయలు సృష్టించటం సాధ్యం కాదని, అతని అకౌంటెంట్లు ఏమి చేస్తున్నట్లని జైన్‌ పేర్కొన్నారు. సత్యం కంప్యూటర్‌ వంటి పెద్ద సంస్థలో పనిచేస్తున్నప్పుడు ఒక్క అకౌంటెంట్‌ వల్ల ఎటువంటి పని జరగదని,తాను ఒక అకౌంటెంట్‌గా దానిని తప్పుపడుతున్నట్లు జైన్‌ తెలిపారు.

రామలింగరాజు చెబుతున్న దాని ప్రకారం ఆయన ఒక్కడే ఇందులో ఉండే ఆవకాశం లేదని, చాలా మందికి ఇందులో సంబంధం ఉండవచ్చని తాను భావిస్తున్నట్లు చెప్పారు. ఈ విషయాలను దర్యాప్తు చేసిన మీదటే అనేక విషయాలు బయటకు వస్తాయని జైన్‌ వెల్లడించారు.సత్యం ఆడిటింగ్‌ వివాదంలో చార్టర్డ్‌ అకౌంటెంట్లు (సిఎ) తప్పు చేసినట్లు తేలితే ఎవరినైనా జీవిత కాలం నిషేధం విధించాలని చూస్తున్నట్లు ఆయన తెలిపారు.ఇందుకు సంబంధించి తాము అన్ని రకాలైన ప్రొసీడింగ్స్‌ను ప్రారంభించామని తెలిపారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X