ఆదిలాబాద్ ప్రగతికి వైఎస్ హామీ

ఆదిలాబాద్‌: గత ఎన్నికల్లో ఆదిలాబాద్‌ జిల్లాలో కాంగ్రెస్‌ ఓటమిని పరిగణలోకి తీసుకోకుండా అన్ని విధాలుగా అభివృద్ధి చేస్తామని ముఖ్యమంత్రి వై.ఎస్‌. రాజశేఖరరెడ్డి స్పష్టం చేశారు. మారుమూల ప్రాంతమైన కెరమెరి మండలం మోడి గ్రామంలో సీఎం గిరిజనులకు భూమిహక్కు గుర్తింపు పత్రాలు పంపిణీ చేశారు.

ఏజెన్సీ మండలాలకు ప్రయోజనం చేకూర్చే విధంగా రూ.88.33 కోట్లతో చేపట్టనున్న పనులకు శంకుస్థాపన చేశారు. 2,520 మంది లబ్ధిదారులకు 9,750 ఎకరాల భూమిని పంపిణీ చేశారు. కెరమెరి, జైనూర్‌, సిర్పూర్‌(యు), నార్నూర్‌ మండలాల్లోని 476 నివాసిత గ్రామాల ప్రజలకు తాగునీరు అందించేందుకు రూ.68 కోట్లవ్యయంతో చేపట్టనున్న గ్రామీణ నీటిసరఫరా పనులకు సీఎం శంకుస్థాపన చేశారు.