రౌడీల్లో ప్రవర్తిస్తున్నారు: వైయస్

హైదరాబాద్: తెలుగుదేశం శాసనసభ్యులు రౌడీల్లా వ్యవహరిస్తున్నారని ముఖ్యమంత్రి డాక్టర్ వైయస్ రాజశేఖర రెడ్డి వ్యాఖ్యానించారు. తాము ప్రతిపాదించిన వాయిదా తీర్మానంపై తక్షణమే చర్చ చేపట్టాలని తెలుగుదేశం సభ్యులు బుధవారం పట్టుబట్టారు. దీంతో సభా కార్యక్రమాలు స్తంభించాయి. చేనేత కార్మికులపై చర్చ సందర్భంగా ముఖ్యమంత్రి జోక్యం చేసుకుని ఆ వ్యాఖ్య చేశారు. ఆ వ్యాఖ్యకు మండిపడిన తెలుగుదేశం సభ్యులు స్పీకర్ పోడియాన్ని చుట్టుముట్టారు. దీంతో స్పీకర్ కిరణ్ కుమార్ రెడ్డి సభను పది నిమిషాల పాటు వాయిదా వేశారు.

సభ ప్రారంభం కాగానే ప్రతిపక్షాలు వాయిదా తీర్మానాలు ప్రతిపాదించారు. ఆ వాయిదా తీర్మానాలను స్పీకర్ తోసిపుచ్చారు. అయితే తాము ప్రతిపాదించిన వాయిదా తీర్మానంపై చర్చ చేపట్టాల్సిందేనని తెలుగుదేశం సభ్యులు పట్టుబట్టారు. చేనేత కార్మికుల సమస్యలపై మంత్రి కె.రోశయ్య మాట్లాడుతుండగా తెలుగుదేశం సభ్యులు అభ్యంతరం తెలిపారు. దీంతో ముఖ్యమంత్రి ఆగ్రహించి రౌడీల్లాగా మాట్లాడమేమిటయ్యా, కూర్చో అని హెచ్చరించారు.