• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చివరకు కెసిఆర్ కూడా మారుతారు: లగడపాటి

By Pratap
|

K Chandrasekhar Rao
హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కె.చంద్రశేఖర రావు కూడా మారుతారని కాంగ్రెసు పార్లమెంటు సభ్యుడు లగడపాటి రాజగోపాల్ ధీమా వ్యక్తం చేశారు. ప్రజారాజ్యం పార్టీ అధ్యక్షుడు చిరంజీవి మారారని, ప్రతి ఒక్కరూ మారుతారనే నమ్మకం ఉందని, కెసిఆర్ కూడా మారుతారని ఆయన అన్నారు. నిమ్స్ నుంచి డిశ్చార్జీ అయిన తర్వాత ఆయన మంగళవారం మీడియా ప్రతినిధులతో మాట్లాడారు. పార్టీల వైఖరి మారుతుందని, ప్రభుత్వాల వైఖరి మారుతుందని, అందరికీ ఆమోదయోగ్యమైన పరిష్కారం లభిస్తుందని ఆయన అన్నారు. కెసిఆర్ ను దూషించకూడదని తాను చెప్పినట్లు ఆయన తెలిపారు. కెసిఆర్ తెలుగువాడని, మనవాడని ఆయన అన్నారు. తన హైదరాబాదు రాక ముఖ్యమంత్రి కె. రోశయ్యకు తెలియదని ఆయన అన్నారు.

తనది ప్రజా ఉద్యమమని ఎవరైనా మారాల్సిందేనని ఆయన అన్నారు. తెలుగు తల్లి వస్త్రాపహరణ జరిగిందని, తెలుగు తల్లి మానాన్ని కాపాడడానికి తాము ముందుకు వచ్చామని ఆయన చెప్పారు. అన్ని ప్రాంతాల మనోభావాలకు అనుగుణంగా ఎవరికీ ఇబ్బంది కలగకుండా రాష్ట్ర సమైక్యతను కాపాడుతామని ఆయన అన్నారు. నాయకులను అర్థం చేసుకోవాలని తాను ప్రజలను కోరుతున్నట్లు ఆయన తెలిపారు. తాను దీక్ష విరమిస్తున్నట్లు ఆయన తెలిపారు. కేంద్ర ప్రభుత్వ నిర్ణయం అందరి మనోభావాలకు అనుగుణంగా లేకపోతే విశాఖపట్నంలో దీక్ష చేస్తానని ఆయన అన్నారు. రాష్ట్ర విభజన జరగకూడదని, పునర్వ్యస్థీకరణ జరగాలని, అది శాస్త్రీయంగా జరగాలని ఆయన అన్నారు. దీక్షలపై రాజకీయ నాయకులం కామెడీ చేశామని ఆయన చెప్పారు. మహాత్మా గాంధీ లాగా నడవాలంటే గోచీ పెట్టుకుని నడవాలంటే కష్టమని ఆయన అన్నారు.

కేంద్ర నిర్ణయం తనకు అనుకూలంగా రాదని, ప్రజల మనోభావాలకు అనుగుణంగా ఉంటుందని, రాష్ట్రానికి అనుగుణంగా ఉంటుందని ఆయన చెప్పారు. తాను ఖూనీలు చేయలేదని, తనను నివారించడం సరైంది కాదని చెప్పానని ఆయన అన్నారు. తాను రాష్ట్రాల పునర్వస్థీకరణ కమిషన్ వేయాలని సూచించినట్లు ఆయన తెలిపారు. తన బరువు తగ్గిందని ఆయన చెప్పారు. సిద్ధిపేటలో కెసిఆర్ దీక్షను భగ్నం చేయవద్దని చెప్పిన ఏకైక నాయకుడిని తానేనని ఆయన చెప్పారు. పార్టీ అధిష్టానం నిర్ణయానికి కట్టుబడి ఉండాల్సిన అవసరం లేదని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X