• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కేంద్రానికి మధు యాష్కీ తీవ్ర హెచ్చరిక

By Pratap
|

Madhu Yashki
హైదరాబాద్: తెలంగాణ అంశంపై కాంగ్రెసు పార్లమెంటు సభ్యుడు మధు యాష్కి కేంద్ర ప్రభుత్వానికి తీవ్ర హెచ్చరిక చేశారు. తెలంగాణకు వ్యతిరేకంగా కేంద్రం నిర్ణయం తీసుకుంటే తాము రాజీనామాలు చేస్తామని ఆయన అన్నారు. రాజీనామాలకే కాదు, ప్రాణాలైనా అర్పించడానికి తాము సిద్ధంగా ఉన్నామని ఆయన మీడియా ప్రతినిధులతో అన్నారు. ఎటువంటి షరతులకు గానీ రెండో ఎస్సార్సీకి గానీ అంగీకరించే ప్రసక్తి లేదని ఆయన అన్నారు.

తాము తెలంగాణను విడదీయమంటున్నాం గానీ ప్రజలను కాదని ఆయన అన్నారు. తెలంగాణ రాష్ట్రం ఏర్పడితే ఇక్కడి తెలంగాణేతరలకు కష్టం, నష్టం ఏదీ లేదని ఆయన అన్నారు. తెలంగాణ రాష్ట్ర ఏర్పాటును అడ్డుకోవడాన్ని రాయలసీమ, ఆంధ్రా ప్రజాప్రతినిధులు మానుకోవాలని ఆయన సూచించారు. తమ సహనాన్ని పరీక్షించవద్దని, తేడా వస్తే తమ తడాఖా చూపిస్తామని ఆయన చెప్పారు. తెలంగాణ ఎంపీలంతా ఢిల్లీకి రావాలని తమ కాంగ్రెసు పార్టీ ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ నుంచి పిలుపు వచ్చినట్లు ఆయన తెలిపారు. తెలంగాణ రాష్ట్రం ఇవ్వకపోతే మునుపెన్నడూ లేనంతగా పోరు ఎగిసిపడుతుందని ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X