• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

48 గంటల బంద్ లతో సామాన్యుల బెంబేలు

By Santaram
|

Telangana
హైదరాబాద్: నేటి తెలంగాణ బంద్ తో సతమతమైన సామాన్యులు రేపు కూడా బంద్ కొనసాగడంపై అసహనం వ్యక్తం చేస్తున్నారు. తెలంగాణ నాయకులు ప్రతిసారీ 48గంటల బంద్ కు పిలుపు ఇస్తున్నారు. రెక్కాడితే గానీ డొక్కాడని ఆటో డ్రైవర్లు, బండ్ల మీద అమ్ముకునే చిన్న వ్యాపారులు నానా ఇబ్బందులు పడుతున్నారు. బస్సులు నడవకపోవడంతో సొంత వాహనాలు లేనివారు అత్యవసర పనులకు వెళ్లలేకపోతున్నారు.

పదివేల ఆర్టీసీ బస్సులు బుధవారం ఎక్కడివి అక్కడే నిలిచిపోయాయి. గురువారం కూడా అదే పరిస్ధితి ఉండబోతోంది. తెలంగాణ నాయకులు మాత్రం ఈ కొద్ది అసౌకర్యాన్ని భరించమని, తెలంగాణ రాష్ట్రం ఏర్పాటు సమీపించిందని సర్దిచెబుతున్నారు. బస్సులు లేకపోవడంతో ఆంధ్రప్రాంతం నుంచి రాజధాని హైదరాబాద్ కు రావలసిఉన్న సామాన్యులకు నరకమే కన్పిస్తోంది. మరీ ముఖ్యంగా వైద్య సేవల కోసం రావలసి ఉన్న రోగులు సతమతమవుతున్నారు. రైళ్ళు కిటకిటలాడుతున్నాయి.

బంద్ లు పోలీసు సిబ్బందికి కూడా అగ్ని పరీక్షలా మారాయి. సెలవులు లేక వారు సతమతమవుతున్నారు. ఉస్మానియా యూనివర్సిటీలో రెండు వేల మంది పోలీసులు మోహరించి ఉన్నారు. జూబ్లీహాలులో సీఎం అధ్యక్షతన రేపు జరగాల్సిన ఎస్పీల సమావేశం వాయిదా పడింది. శాంతిభద్రతల దృష్ట్యా సమావేశం వాయిదా వేసినట్లు సమాచారం.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X