గ్రామాలకు సరిపడిన నిధులు ఎందుకివ్వరు? జెపి

హైదరాబాద్‌: జనాభాలో 70శాతం ఉండే గ్రామాలకు కనీసం ఏడు శాతం నిధులు ఇవ్వలేరా? అని లోక్‌సత్తా పార్టీ అధ్యక్షులు జయప్రకాశ్‌ నారాయణ ప్రశ్నించారు. జాతీయ ఆదాయంలో గ్రామాలకు వాటా ఇవ్వాలంటూ గోవిందాచార్య నేతృత్వంలోని రాష్ట్రీయ స్వాభిమాన్‌ ఆందోళన రేపు ఢిల్లీలో ఆందోళనకు సిద్ధమైంది.

జంతర్‌మంతర్‌ వద్ద ధర్నాకు లోక్‌సత్తా అధినేత జయప్రకాశ్‌ నారాయణ, సామాజిక ఉద్యమకారుడు అన్నా హజారే హాజరవుతున్నారు. లోక్‌సత్తా మహారాష్ట్ర, ఉత్తరప్రదేశ్‌ విభాగాలు కూడా పాల్గొంటున్నాయి. ఏడు శాతం వంతున ఏటా 70వేల కోట్లు పంచాయితీలకు ఇస్తే 90శాతం సమస్యలు తీరిపోతాయని జేపీ అభిప్రాయపడ్డారు.