శ్రీకృష్ణ కమిటీ విధానాలు నచ్చకపోతే వ్యతిరేకమే: యాష్కీ

హైదరాబాద్‌: తెలంగాణ ఏర్పాటు దిశగా జస్టిస్‌ శ్రీకృష్ణ కమిటీ విధివిధానాలు లేకపోతే దాన్ని తాము వ్యతిరేకిస్తామని కాంగ్రెస్‌ ఎంపీ మధుయాష్కీ తెలిపారు. కమిటీని తాము ఇప్పటికీ షరతులతోనే స్వాగతిస్తున్నామని విధివిధానాలు ఖరారైతే గానీ పూర్తి స్పష్టత రాదని ఆయనన్నారు.

విధి విధానాలు ఖరారు కానందునే ప్రజల్లో అపోహలు కలిగాయని మధు తెలిపారు. తప్పకుండా కాలపరిమితి ఉంటుందని అయితే తక్కువ వ్యవధి ఉండాలన్నదే తమ అభిమతమని యాష్కీ చెప్పారు. కొందరు కమిటీ సభ్యులు మీడియాలో చేస్తున్న వ్యాఖ్యలు సబబుగా లేవని ఆయన అభిప్రాయపడ్డారు.