పవర్ లో లేనందుకే చంద్రబాబు ప్రేలాపనలు: రోశయ్య

న్యూఢిల్లీ: అధికారంలో లేనందుకే చంద్రబాబుకు రాష్ట్రంలో అంతా శూన్యంగా కనిపిస్తోందని ముఖ్యమంత్రి రోశయ్య అన్నారు. ఆదివారమిక్కడ ఆయన విలేకరులతో మాట్లాడారు. రాష్ట్రానికి సంబంధించిన అన్ని పెండింగ్‌ అంశాలపై కేంద్ర ప్రభుత్వంలోని పెద్దలతో చర్చించానని తెలిపారు. మన్నవరం-భెల్‌ ప్రాజెక్టు ప్రారంభోత్సవానికి ప్రధాని మన్మోహన్‌సింగ్‌ను ఆహ్వానించానని పేర్కొన్నారు. పోలవరం, ప్రాణహిత-చెవెళ్లలను జాతీయ ప్రాజెక్టులుగా గుర్తించే ప్రక్రియను త్వరగా పూర్తిచేయాలని కోరానని చెప్పారు.

టీడీపీ అధినేత చంద్రబాబునాయుడు కుటిల రాజకీయ నీతి రాష్ట్ర ప్రజలకు తెలుసని రాష్ట్ర గ్రామీణాభివృద్ధిశాఖ మంత్రి వట్టి వంసతకుమార్‌ అన్నారు. బాబు రెండు నాల్కుల ధోరణితో వ్యవహరిస్తున్నారని ఆయన విమర్శించారు. ఆదివారమిక్కడ ఆయన విలేకరులతో మాట్లాడారు.జలయజ్ఞానికి సహకరించాల్సింది పోయి ఆయన తప్పుడు ఆరోపణలు చేస్తున్నారని వట్టి తెలిపారు. విజన్‌ 20-20 పేరుతో ప్రజలతో బాబు ప్రజలతో వ్యాపారం చేశాడని ధ్వజమెత్తారు.