పాక్ లో పేలుళ్లు: 39 మంది మృతి

లాహోర్: పాకిస్తాన్ లోని లాహోర్ లో శుక్రవారం రెండు భారీ పేలుళ్లు సంభవించాయి. భారీ భద్రత గల కంటోన్మెంట్ ప్రాంతంలో ఈ పేలుళ్లు జరిగాయి. ఈ ఘటనల్లో కనీసం 39 మంది మరణించారు. వంద మంది దాకా గాయపడ్డారు. ఉగ్రవాద దాడుల్లో 30 మంది మరణించారని, 95 మంది గాయపడ్డారని పంజాబ్ ప్రొవిన్షియల్ పోలీసు చీఫ్ తారిఖ్ సలీం దోగార్ చెప్పారు.

దాడులు చేసినవారిని గుర్తించడానికి సాంకేతిక సాక్ష్యాలను సేకరించినట్లు, దాడి చేసిన ఉగ్రవాదులు ఇద్దరు కూడా పారిపోయారని ఆయన చెప్పారు. స్థానిక కాలమానం ప్రకారం ఈ దాడులు ఆర్ఎ బజార్ లో మధ్యాహ్నం 12 గంటల 48 నిమిషాలకు జరిగింది. గాయపడిన వారిని సమీపంలోని సైనిక, పౌర ఆస్పత్రులకు తరలించారు. దాడుల తర్వాత కాల్పులు జరిగినట్లు తెలుస్తోంది. అయితే ఈ విషయాన్ని ధ్రువీకరించడం లేదు.