సిఎం రోశయ్య బ్రాందేయవాదిగా మారారు: దాడి వీరభద్రరావు

హైదరాబాద్: ముఖ్యమంత్రి కె. రోశయ్య బ్రాందేయవాదిగా మారిపోయారని తెలుగుదేశం పార్టీ సీనియర్ నాయకుడు, ఎమ్మెల్సీ దాడి వీరభద్రరావు వ్యాఖ్యానించారు. ముఖ్యమంత్రి రోశయ్య తాను గాంధేయవాదిని అని చెప్పుకుంటున్నారని, అయితే బ్రాందేయవాదిగా మారిపోయారని ఆయన గురువారం మీడియా ప్రతినిధుల సమావేశంలో అన్నారు.

ప్రభుత్వ ఖజానాను నింపుకునేందుకు ముఖ్యమంత్రి మద్యం ఉత్పత్తులను పెంచుతూ నైతిక విలువలను కాలరాస్తున్నారని ఆయన విమర్శించారు. మద్యం బాటిళ్లపై ఆరోగ్యానికి హానికరం అనే ప్రకటన లేకుండా విక్రయాలు జరుగుతండడాన్ని ఆయన తప్పు పట్టారు. మద్య రేట్ల పెంపు విషయంలో కోట్ల రూపాయలు చేతులు మారాయని ఆయన ఆరోపించారు.