శ్రీకృష్ణ కమిటీ ముందు 5,6,7 తేదీల్లో రాష్ట్ర కాంగ్రెసు వాదనలు

హైదరాబాద్‌: ఎట్టకేలకు సంచిలోనుంచి పిల్లి బయటికి రానుంది. తెలంగాణ అంశంపై శ్రీకృష్ణ కమిటికి తమ వాదనలు వినిపించేందుకు కాంగ్రెసు‌ పార్టీ సమాయత్తమైంది. వచ్చే నెల 5,6,7 తేదీల్లో ప్రాంతాల వారీగా కాంగ్రెసు‌ నేతలు శ్రీకృష్ణ కమిటికి తమ వాదనలు వినిపించాలని నిర్ణయించారు.

ఈ మేరకు గాంధీభవన్‌లో పీసీసీ చీఫ్‌ డిఎస్‌ ఆధ్వర్యంలో జరిగిన అంతర్గత సమావేశంలో నిర్ణయం జరిగినట్లు పార్టీ శ్రేణులు వెల్లడించాయి. ఈ నెల 5వ తేదీన సీమాంధ్ర నేతలు 6,7 తేదీల్లో తెలంగాణ నేతలు శ్రీకృష్ణ కమిటికి తమ వాదనలు వినిపిస్తారని తెలుస్తోంది. సుమారు 125 మంది ప్రజాప్రతినిధులు కమిటి ముందు హాజరు కానున్నారు.