బాబ్లీపై చంద్రబాబు అనవసర రాజకీయం: సబితా ఇంద్రారెడ్డి

హైదరాబాద్‌: బాబ్లీపై తెలుగుదేశం పార్టీ అధ్యక్షుడు నారా చంద్రబాబు నాయుడు అనవసర రాజకీయం చేస్తున్నారని హోంమంత్రి సబితా ఇంద్రారెడ్డి విమర్శించారు. ముఖ్యమంత్రి వద్దని చెప్పినా చంద్రబాబు బృందం మహారాష్ట్రకు వెళ్లిందని ఆమె సోమవారం మీడియా ప్రతినిధులతో అన్నారు. ధర్మాబాద్ పరిస్థితులను బట్టి అక్కడి పోలీసులు లాఠీ చార్జీ చేశారని ఆమె చెప్పారు.

ధర్మాబాద్ పరిస్థితిపై మహారాష్ట్ర హోం మంత్రి ఆర్ఆర్ పాటిల్ నుంచి నివేదిక కోరామని, ఆ నివేదిక రాగానే పరిస్థితిని పరిశీలిస్తామని ఆమె చెప్పారు. లాఠీచార్జీని ఖండిస్తున్నానని ఆమె చెప్పారు. బాబ్లీ ప్రాజెక్టు వివాదాన్ని కేంద్ర ప్రభుత్వం పరిష్కరిస్తుందని ఆమె చెప్పారు.