సిఎం రోశయ్య అధికారిక కార్యక్రమాలు రద్దు, విశ్రాంతి

హైదరాబాద్: వైద్యుల సలహా మేరకు ముఖ్యమంత్రి కె. రోశయ్య అధికారిక కార్యక్రమాలు రద్దు చేసుకున్నారు. తనకు వైయస్సార్ వర్ధంతి కార్యక్రమాల్లో పాల్గొనాలనే ఆసక్తి ఉన్నప్పటికీ వైద్యుల సహకారంతో ఆయన విశ్రాంతి తీసుకుంటున్నారు. ముఖ్యమంత్రికి నిమ్స్ వైద్యులు పరీక్షలు నిర్వహించారు. ముఖ్యమంత్రి ఆరోగ్యం మెరుగు పడుతోందని వారు చెప్పారు. టెంపరేచర్ నార్మ్లల్ గా ఉందని వారన్నారు.

ముఖ్యమంత్రికి వైరల్ ఫీవర్ ఉందని, విశ్రాంతి తీసుకోకపోతే మళ్లీ ఎక్కువయ్యే ప్రమాదం ఉందని, అందుకే విశ్రాంతి తీసుకోవాలని సూచించామని వారు చెప్పారు. పావురాలగుట్ట వద్ద రోశయ్య గురువారం వైయస్ వర్ధంతి కార్యక్రమంలో పాల్గొనాల్సి ఉంది. అయితే ఆయన తరఫున మంత్రులు పొన్నాల లక్ష్మయ్య, వట్టి వసంతకుమార్ హాజరవుతున్నారు. ఒక్క రోజు విశ్రాంతి తీసుకుంటే రికవరీ మరింత మెరుగ్గా ఉంటుందనే ఉద్దేశంతోనే కార్యక్రమాలు రద్దు చేసుకోవాల్సిన అవసరం ఉందని చెప్పామని వైద్యులన్నారు.