నవంబర్ 1న ఓయు జేఏసి వర్సెస్ తెలంగాణ మంత్రులు

హైదరాబాద్: నవంబర్ 1న రాష్ట్ర అవతరణ దినోత్సవాల్లో పాల్గొంటానని ప్రకటించిన మంత్రులు కోమటిరెడ్డి వెంకట్ రెడ్డి, దానం నాగేందర్ల పై ఉస్మానియా యూనివర్శిటీ ఐక్య కార్యాచరణ సమితి(ఓయు జేఏసి), పొలిటికల్ ఐకాస, తెలంగాణవాదులు తీవ్ర ఆగ్రహం వ్యక్తం చేస్తున్నారు. ఉత్సవాల్లో పొల్గొన్న వారిని తెలంగాణ ద్రోహులుగా గుర్తిస్తామన్నారు. ముఖ్యమంత్రి రోశయ్య ఉత్సవాలలో పాల్గొనమని ఎవరినీ బలవంతే చేయటం లేదని, ఇష్టమున్నవారు పాల్గొనవచ్చు, లేదంటే ఊరుకోవచ్చని ప్రకటించినప్పటికీ మంత్రులు ఇలా చేయటం దారుణమన్నారు.

ప్రభుత్వం బలవంతం చేయకున్నా ఉత్సవాలలో పాల్గొంటామని ప్రకటించటం మంత్రులకు తెలంగాణపై ఉన్న చిత్తశుద్ధిని తెలియజేస్తుందని అన్నారు. వెంటనే మంత్రులు ఉత్సవాలలో పాల్గొంటామన్న వాఖ్యలను వెనక్కి తీసుకోవాలన్నారు. లేకుంటే నవంబర్ విద్యార్థుల ఆధ్వర్యంలో మంత్రులను అడ్డుకుంటామని హెచ్చరించారు. పాల్గొంటే ఆందోళన తీవ్రస్థాయిలో ఉంటుందన్నారు. కరీంనగర్లో సిపిఎం నాయకుడు చాడ వెంకటరెడ్డి సైతం నవంబర్ 1 అవతరణ దినోత్సవాలలో పాల్గొనబోమని ప్రకటించాడు.