మాజీమంత్రి సంతోష్ రెడ్డి కారుపై రాళ్లతో దాడి చేసిన దుండగులు

నిజామాబాద్: మాజీ మంత్రి సంతోష్ రెడ్డి కారుపై దాటి కొందరు దుండగులు రాళ్లతో దాడి చేసిన సంఘటన చోటు చేసుకుంది. జిల్లాలోని కమ్మరపల్లినుండి కారులో వెళుతున్న సంతోష్ రెడ్డిపై కొందరు దుండగులు రాళ్లతో దాడి చేశారు. దీంతో కారు అద్దాలు ధ్వంసమయ్యాయి. కారు కూడా కొద్దిగా దెబ్బతిన్నది. అయితే సంతోష్ రెడ్డికి ఎలాంటి గాయాలు కాలేదు. అయితే వెంటనే తేరుకున్న సంతోష్ రెడ్డి అనుచరులు సదరు దుండగులపై ఎదురు దాడి చేశారు. వారిని కొట్టి దగ్గరలోని పోలీస్ స్టేషన్ కి తీసుకెళ్లి అక్కడ అప్పగించారు.

సంతోష్ రెడ్డి కారుపై దుండగులు దాడి చేయడానికి కారణాలు తెలియరాలేదు. సంతోష్ రెడ్డి గతంలో కాంగ్రెస్ పార్టీలో మంత్రిగా పని చేశారు. అనంతరం తెలంగాణ సాధన కోసం తెలంగాణ రాష్ట్ర సమితి అధ్యక్షుడు కె చంద్రశేఖర్ అధ్వర్యంలో ఆ పార్టీలో చేరారు. అ తరువాత కెసిఆర్ తీరు నచ్చక ఆ పార్టీ అసమ్మతి ఎమ్మెల్యేగా ముద్రపడ్డారు. ఆ తరువాత మళ్లీ కాంగ్రెస్ లో చేరారు.