జగన్ పై తప్పుడు నివేదికలిస్తే ఊరుకోం: సిఎంకు జగన్ వర్గం గోనే హెచ్చరిక

హైదరాబాద్: రాష్ట్రంలో 41 మంది పార్లమెంటు సభ్యులను గెలిపించి దివంగత ముఖ్యమంత్రి వైఎస్ రాజశేఖరరెడ్డి ఆఖరి రాజకీయ కోరిక తీరుస్తానంటున్న ముఖ్యమంత్రి కిరణ్ కుమార్ రెడ్డి పార్టీలో అందరినీ కలుపుకొని పోవాలని శుక్రవారం విలేకరులతో మాట్లాడుతూ డిమాండ్ చేశారు. అధిష్టానంతో చర్చించి కడప పార్లమెంటు సభ్యుడు వైఎస్ జగన్మోహన్ రెడ్డి ఓదార్పు యాత్రలో మార్పులు చేర్పులు ఏమైనా ఉంటే చేసుకోవచ్చున్నారు. అంతేగాని జగన్ను దెబ్బతీయాలని చూడకూడదని హెచ్చరించారు.

భజనపరుల మాటలు విని అధిష్టానానికి జగన్ గురించి వ్యతిరేకంగా చెబితే ఊరుకోబోమన్నారు. ఇక్కడి పరిస్థితులను అధిష్టానానికి చెప్పే బాధ్యత ముఖ్యమంత్రిది, ప్రదేశ్ కాంగ్రెస్ కమిటీ అధ్యక్షుడిది అని, మాజీ ముఖ్యమంత్రి రోశయ్య, పిసిసి అధ్యక్షుడి డి శ్రీనివాస్ జగన్ గురించి వ్యతిరేకంగా చెప్పడం వల్లనే ముఖ్యమంత్రి పదవి కోల్పోయాడని రోశయ్యను ఉద్దేశించి అన్నారు. సమస్యల్లో కిరణ్ పదవి చేపట్టారన్నారు. అధిష్టానానికి కరెక్టు నివేదికలు ఇవ్వాలని డిమాండ్ చేశారు. జైపాల్ రెడ్డికి సిగ్గు, లజ్జ ఉంటే వెంటనే రాజీనామా చేయాలని దుయ్యబట్టారు.