సోమవారం కెబినెట్!: న్యూ ఢిల్లీకి క్యూ కట్టిన 40మంది అశావాహులు

న్యూఢిల్లీ: ముఖ్యమంత్రి కిరణ్ కుమార్ రెడ్డి తన మంత్రివర్గాన్ని సోమవారం ఏర్పాటు చేయనున్నట్టు సమాచారం. కిరణ్ కుమార్ రెడ్డి ఆదివారం ఢిల్లీ వెళ్లే అవకాశాలు ఉన్నాయి. ఈ నేపథ్యంలో మంత్రివర్గంలో చోటు కోసం పలువురు ఆశావహులు ఢిల్లీకి క్యూ కట్టారు. తమ వారి ద్వారా మంత్రి పదవిని పొందేందుకు సర్వశక్తులు ఒడ్డుతున్నారు. అక్కడ లాబీయింగ్ చేస్తున్నారు. మంత్రివర్గంలో అవకాశం కోసం ఇప్పటికే హస్తినకు 40 మంది శాసనసభ్యులు, శాసనమండలి సభ్యుల వరకు చేరుకున్నట్టు సమాచారం.

వైఎస్ హయాంలో మొదటిసారి మంత్రివర్గంలో చోటు దక్కించుకొని రెండవసారి మంత్రిపదవి రాని జెసి దివాకర్ రెడ్డి, జానారెడ్డి, తాజా మాజీ మంత్రులు డొక్కా మాణిక్యవరప్రసాద్, పార్థసారథి, శాసనసభ్యులు టిజి వెంకటేష్, ఏరాసు, వైఎస్ వివేకానందరెడ్డి, కూన శ్రీశైలం గౌడ్, తోట నరసింహం, మస్తాన్ అలీ, రాంభూపాల్ రెడ్డి, జెవివి సత్యానారాయణ, అనిల్ కుమార్ లు ఉన్నారు. శాసనమండలి సభ్యులు గోపినాథ్, రుద్రరాజు పద్మరాజు, కాసాని జ్ఞానేశ్వర్ తదితరులు ఉన్నారు.