తనకు కాంగ్రెసు అధిష్టానం నుంచి పిలుపు రాలేదన్న పి

యానాం: తనకు కాంగ్రెసు అధిష్టానం నుంచి పిలుపు వచ్చినట్లు వచ్చిన వార్తలను మాజీ మంత్రి పిల్లి సుభాష్ చంద్రబోస్ ఖండించారు. తనకు పార్టీ అధిష్టానం నుంచి ఏ విధమైన పిలుపు రాలేదని ఆయన స్పష్టంచేశారు. యానాంలోని ఓ కార్యక్రమంలో పాల్గొన్న ఆయన శనివారం మీడియా ప్రతినిధులతో మాట్లాడారు. మంత్రి వర్గంలో తనను చేర్చుకుంటారా, లేదా అనేది ముఖ్యమంత్రి కిరణ్ కుమార్ రెడ్డికి, అధిష్టానానికి సంబంధించిన విషయమని ఆయన అన్నారు. తాను పార్టీకి కట్టుబడి పని చేస్తున్నానని ఆయన చెప్పారు.

కడప పార్లమెంటు సభ్యుడు వైయస్ జగన్ కు అనుకూలంగా వ్యవహరిస్తున్న పిల్లి సుభాష్ చంద్రబోస్ కు మంత్రి పదవి ఇస్తామని, తన విధేయతను మార్చుకోవాలని, అందుకు తమతో మాట్లాడడానికి ఢిల్లీ రావాలని కాంగ్రెసు అధిష్టానం చెప్పినట్లు వార్తలు వచ్చాయి.