పాయకరావు పేట ఎమ్మెల్యే బాబూరావు వైయస్ జగన్ వైపేనా?

విశాఖపట్నం: విశాఖపట్నం జిల్లా పాయకరావు పేట శానససభ్యుడు బాబూరావు కూడా వైయస్ జగన్ వైపు వెళ్తారా అనే సందేహం కలుగుతోంది. ఆయన మాటలను బట్టి చూస్తే ఆయన కాంగ్రెసు నుంచి వైయస్ జగన్ వైపు మళ్లే అవకాశాలే కనిపిస్తున్నాయి. పార్లమెంటు సభ్యుడు సబ్బం హరి, మాజీ మంత్రి కొణతాల రామకృష్ణ బాబూరావుతో చర్చలు జరిపినట్లు తెలుస్తోంది. జనవరి 3వ తేదీన వైయస్ జగన్ ఓదార్పు యాత్రను జిల్లాలో చేపట్టేనాటికి సాధ్యమైనంత ఎక్కువ మందిని రాబట్టాలనేది వారి ప్రయత్నంగా కనిపిస్తోంది.

కార్యకర్తల అభీష్టం మేరకే తన నిర్ణయం ఉంటుందని పాయకరావుపేట ఎమ్మెల్యే బాబూరావు తెలిపారు. నియోజకవర్గ ప్రజలు, కార్యకర్తలతో మాట్లాడి తన నిర్ణయం ప్రకటిస్తానన్నారు. కార్యకర్తలు జగన్‌తో పాటే వెళదామంటే వారి వెంటే తాను ఉంటానని బాబూరావు స్పష్టం చేశారు. త్వరలో మంచి నిర్ణయాన్ని వెల్లడిస్తానని ఆయన చెప్పారు.