ట్రాన్సుకో ఏడిఇపై ఎసిబి దాడులు: రూ.4కోట్ల ఆస్తులు స్వాధీనం

By Srinivas

Published: Friday, April 1, 2011, 10:22 [IST]

హైదరాబాద్: అవినీతి నిరోధక శాఖ అధికారులు శుక్రవారం ఓ ట్రాన్సుకో ఏడిఇ ఇంటిపై దాడులు నిర్వహించారు. వనస్థలిపురం ట్రాన్సుకో ఏడిఇగా పని చేస్తున్న కృష్ణకు ఆదాయానికి మించి ఆస్తులు ఉన్నాయనే సమాచారం రావడంతో అవినీతి నిరోధక శాఖ అధికారులు శుక్రవారం ఆయన ఇంటిపై దాడులు నిర్వహించారు.

ఈ దాడులలో వారు సుమారు 4 కోట్ల రూపాయల ఆస్తులు ఆయనకు ఉన్నట్లుగా కనుగొన్నారు. ఆయన నివాసం ఉంటున్న రామ్‌నగర్‌తో పాటు సరూర్ నగర్ తదితర ప్రాంతాల్లో ఎసిబి అధికారులు సోదాలు నిర్వహిస్తున్నారు. మరిన్ని ఆస్తులు దొరికే అవకాశముందని అధికారులు భావిస్తున్నారు.

Published On April 1, 2011