టిఆర్ఎస్ అధ్యక్షుడిగా కెసిఆర్ ఏకగ్రీవ ఎన్నిక: తెలంగాణ కోసం ప్రతిజ్ఞ

By Srinivas

Published: Friday, April 29, 2011, 15:57 [IST]

మహబూబ్ ‌నగర్: తెలంగాణ రాష్ట్ర సమితి అధ్యక్షుడిగా కల్వకుంట్ల చంద్రశేఖరరావు మరోసారి ఏకగ్రీవంగా ఎన్నికయ్యారు. శుక్రవారం పాలమూరులో జరిగిన తెలంగాణ ప్రజాప్రతినిధుల సభలో కేసిఆర్‌ను ఏకగ్రీవంగా ఎన్నుకున్నారు. కేసిఆర్‌ను ఏకగ్రీవంగా ఎన్నుకున్నట్లు ఆ పార్టీ ఎన్నికల అధికారి నాయిని నరసింహారెడ్డి ప్రకటించారు. అనంతరం కెసిఆర్ తనను ఏకగ్రీవంగా ఎన్నుకున్నందుకు కార్యకర్తలకు, నాయకులకు కృతజ్ఞతలు తెలిపారు.

సమావేశానికి హాజరైన పార్టీ కార్యకర్తలు, ప్రతినిధులతో తెలంగాణ రాష్ట్ర ఏర్పాటుకు పునరంకితం అవుతామని ప్రతిజ్ఞ చేయించారు. అనంతరం టిఆర్ఎస్ శాసనసభాపక్ష ఉప నేత టి హరీష్‌రావు వెంటనే పార్లమెంటులో తెలంగాణ బిల్లు ప్రవేశ పెట్టాలని కోరుతూ మొదట తీర్మానం ప్రవేశ పెట్టారు. దానిని అందరూ ఆమోదించారు.

Published On April 29, 2011