విద్యార్థినిపై ప్రిన్సిపల్ లైంగింక వేధింపులు, బట్టలూడదీసి దేహశుద్ది

హైదరాబాద్: రాజధాని నగరం హైదరాబాదులో కీచక ఉపాధ్యాయుడికి బట్టలూడదీసి చితకబాదిన సంఘటన కూకట్‌పల్లిలో మంగళవారం చోటు చేసుకుంది. కూకట్‌పల్లి సమీపంలోని హైదర్ నగర్‌లో ఉన్న లిటిల్ ఫ్లవర్ పాఠశాల ప్రధానోపాధ్యాయుడు సాంబశివరావు మంగళవారం పదవ తరగతికి చెందిన ఓ విద్యార్థిపై లైంగిక వేధింపులకు పాల్పడ్డాడు. ఉదయం ఎబివిపి బంద్ కావడంతో కార్యకర్తలు వచ్చి పాఠశాల మూసి వేయించారు. అయితే విద్యార్థులు అందరూ వెళ్లాక పదవ తరగతికి చెందిన ఓ విద్యార్థినిపై ప్రిన్సిపల్ సాంబశివరావు లైంగిక వేధింపులకు పాల్పడ్డారు.

ప్రిన్సిపల్ నుండి తప్పించుకొని బయటకు వచ్చిన విద్యార్థిని వారి తల్లిదండ్రులకు ఫోన్ చేసి విషయం చెప్పింది. దీంతో తల్లిదండ్రులు, బంధువులు అక్కడకు చేరుకొని ప్రధానోపాధ్యాయుడు సాంబశివరావుకు దేహశుద్ది చేశారు. ప్రిన్సిపల్ బట్టలూడదీసి మరీ కొట్టారు. ఆ తర్వాత కెపిహెచ్‌బి పోలీసు స్టేషన్‌లో నిందితుడిని అప్పగించారు. విద్యార్థిని చెప్పిన ప్రకారం పోలీసులు కేసు నమోదు చేసుకున్నారు. కాగా తనకు ఏ పాపం తెలియదని సాంబశివరావు చెబుతున్నారు. కాగా ప్రిన్సిపల్ పై గతంలో కూడా లైంగిక వేధింపుల ఆరోపణలు వచ్చాయి.

English summary

Little flower school principal make sexual harassment on tenth girl student. Student parents beat him and complaint at police station.