కాంగోలో విమానం కూలి 72 మంది మృతి

కిన్షాసా: కాంగో డెమొక్రటిక్ రిపబ్లిక్‌లో విమానం కూలి శుక్రవారం 72 మంది మరణించారు. ఈ విమానంలో ప్రయాణికులు, సిబ్బంది మొత్తం 112 మంది ఉన్నారు. కిసంగిని విమానాశ్రయానికి వెళ్తుండగా ఈ ప్రమాదం చోటు చేసుకుంది. విమానంలో ప్రయాణిస్తున్న 72 మంది మరణించిన విషయాన్ని హవా బోరా ఎయిర్‌వేస్ జనరల్ డైరెక్టర్ ఎం. స్టావ్రోస్ ధ్రువీకరించారు. ఈ విమానం హవా బోర్ ఎయిర్‌వేస్‌కు చెందింది.

విమానం కిన్షాసా నుంచి కిసంగని, గోమాలకు బయలుదేరింది. మృతుల సంఖ్యపై అంతకు ముందు విభిన్నమైన వార్తలు వచ్చాయి. విమానం నుంచి 53 మంది క్షేమంగా బయటపడినట్లు మీడియా తెలిపింది. ప్రమాదం నుంచి 51 మంది బయటపడినట్లు డిఆర్ కాంగో రవాణా మంత్రిత్వ శాఖ తెలిపింది. ప్రతికూల వాతావరణంలో పైలట్ దించడానికి ప్రయత్నిస్తుండగా విమానం కూలిపోయింది.

English summary

At least 72 people were killed in the Democratic Republic of Congo after a plane, carrying 112 passengers and crew, crash-landed at Kisangani airport, a top official said.