కుమారస్వామి దీక్ష విరమణ: ఫలించిన రాయభారం

By Srinivas

Published: Sunday, July 10, 2011, 12:43 [IST]

బెంగళూరు: జనతా దళ్ అగ్రనేత, మాజీ కర్నాటక ముఖ్యమంత్రి కుమారస్వామి ఆమరణ నిరాహార దీక్షను విరమింప జేయడానికి కర్నాటక బిజెపి ప్రభుత్వం చేసిన ప్రయత్నాలు ఫలించాయి. మంత్రుల హామీతో కుమారస్వామి తన దీక్షను విరమించారు. ఇప్పటికే రెండు సార్లు బైపాస్ సర్జరీ చేయించుకున్న కుమారస్వామి ఆమరణ నిరాహార దీక్ష చేస్తే ఆరోగ్యం విషమంగా తయారవుతుందని భావించిన ముఖ్యమంత్రి యెడ్యూరప్ప ఆయన వద్దకు ముగ్గురు మంత్రులతో కూడిన ఓ బృందాన్ని పంపించారు. కుమారస్వామి వద్దకు వెళ్లిన మంత్రుల బృందం ఆయనను దీక్ష విరమించాల్సిందిగా కోరింది.

మంత్రుల నుండి స్పష్టమైన హామీ వచ్చాక ఆయన తన దీక్షను విరమించారు. కాగా కుమారస్వామి షుగర్ లెవల్ బాగా పెరిగినట్లు తెలుస్తోంది. కాగా తన కుటుంబం అక్రమంగా రూ.1500 కోట్లు కూడబెట్టిందంటూ బిజెపి చేసిన ఆరోపణలకు వ్యతిరేకంగా ఆయన దీక్ష చేపట్టారు. తమ ఆస్తులపై సిబిఐచే విచారణ జరిపించాలని డిమాండ్ చేస్తున్నారు.

Published On July 10, 2011