ఇడుపులపాయలో ఏడ్చేసిన పుల్లా పద్మావతి

కడప: శాసనమండలి సభ్యురాలు పుల్లా పద్మావతి మంగళవారం ఇడుపులపాయలో కన్నీళ్లు పెట్టుకున్నారు. సోమవారం జగన్ వర్గం నేతలు రాజీనామాలు చేసిన అనంతరం తిరుపతి మీదుగా ఇడుపులపాయ చేరుకున్నారు. మంగళవారం ఉదయం దివంగత ముఖ్యమంత్రి వైయస్ రాజశేఖర రెడ్డి సమాధి వద్ద నివాళులు అర్పించారు. ఈ సందర్భంగా పుల్లా పద్మావతి వైయస్సార్‌ను గుర్తు చేసుకొని కన్నీళ్లు పెట్టుకున్నారు. ఆమె ఉద్వేగం అందరినీ కలచి వేసింది.

అంతకుముందు శాసనసభ్యులు, శాసనమండలి సభ్యులు వైయస్ సమాధిని దర్శించుకొని నివాళులు అర్పించారు. ఇడుపులపాయకు భారీగా వైయస్సార్సీ పార్టీ కార్యకర్తలు, వైయస్ అభిమానులు చేరుకున్నారు. కొండా సురేఖ, శోభా నాగిరెడ్డి, జయసుధ, ఆదినారాయణ రెడ్డి, పిల్లి సుభాష్ చంద్రబోసు తదితరులు ఉన్నారు.

English summary

MLC Pulla Padmavathi wept at YSR's samadhi in Idupulapaya.