150వ చిత్రానికి రాం చరణ్ నిర్మాత: చిరంజీవి

తిరుపతి: శాసనసభ్యుడు చిరంజీవి తన 150వ చిత్రంపై మరోసారి స్పందించారు. తాను నూటాయాబయ్యవ చిత్రంలో తన సోదరుడు, నిర్మాత నాగబాబు కోరిక మేరకే నటిస్తున్నానని చిరంజీవి ఆదివారం తిరుపతిలో చెప్పారు. తన 150వ చిత్రానికి తన తనయుడు రామ్ చరణ్ తేజ నిర్మాతగా వ్యవహరిస్తాడని చెప్పారు. తాను రంగం సినిమా శతదినోత్సవ వేడుకల కోసం వచ్చినట్లు చెప్పారు. అయితే తాను మరో చిత్రంలో నటిస్తానని చిరు స్వయంగా చెప్పటంతో ఆయన అభిమానులకు చాలా ఆనందం కలిగిస్తుందనడంలో ఎలాంటి సందేహం లేదు.

కేంద్ర ప్రభుత్వం జన్ లోక్‌పాల్ బిల్లుకు ఆమోదం తెలపటం హర్షణీయం అన్నారు. అన్నాహజారేకు దేశవ్యాప్తంగా అందరూ మద్దతు పలికారన్నారు. గ్రామస్థాయిలో ప్రజారాజ్యం పార్టీ కార్యకర్తల మధ్య కొంత గ్యాప్ ఉందని అన్నారు. దానిని పూడ్చేందుకు ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ ఆధ్వర్యంలో కార్యక్రమాలు నిర్వహిస్తున్నామని చెప్పారు. సెప్టెంబర్ 2వ తేదిన తిరుపతిలో చిరంజీవి పర్యటించనున్నారు.

English summary

Megastar Chiranjeevi talk about his 150th film today in Tirupati.