భారతీయ జన్యువులో అహింసవాదం: నరేంద్ర మోడి

అహ్మదాబాద్: అహింస వాదం భారతీయ జన్యువులోనే ఉందని గుజరాత్ ముఖ్యమంత్రి నరేంద్ర మోడి అన్నారు. జన్ లోక్‌పాల్ బిల్లుపై అన్నాహజారే చేపట్టిన ఉద్యమం గాంధేయ పద్ధతిలో విజయవంతం కావడంపై తన ట్విట్టర్‌లో నరేంద్ర మోడి స్పందించారు. అవినీతికి వ్యతిరేకంగా గాంధేయవాది అన్నా హజారే చేపట్టిన అహింసాయుత పోరాటాన్ని చూసి అందరూ పాఠాలు నేర్వాలని కోరారు.

మావోయిస్టులు, తీవ్రవాదులు సైతం గాంధేయ పద్ధతుల్లో పోరాటం సాగించాలని విజ్ఞప్తి చేశారు. నక్సలిజం, తీవ్రవాదం మార్గంలో నడుస్తున్న వారు అహింస బలాన్ని గుర్తించాలని కోరారు. కాగా పన్నెండు రోజుల పాటు అన్నాహజారే నిరాహార దీక్ష చేసి జన్ లోక్‌పాల్ బిల్లుపై కేంద్ర ప్రభుత్వంపై విజయం సాధించిన విషయం తెలిసిందే.

English summary

Gujarat CM Narendra Modi tweeted in twitter that power of Ahimsa Vadam after Anna Hazare deeksha.