తెలంగాణపై నో కామెంట్: కేరళ సిఎం ఉమెన్ ఛాందీ

By Srinivas

Published: Wednesday, September 21, 2011, 17:58 [IST]

హైదరాబాద్: తెలంగాణ అంశంపై మాట్లాడటానికి తాను జాతీయ నేతను కాదని కేరళ ముఖ్యమంత్రి ఉమెన్ ఛాందీ బుధవారం అన్నారు. ఆంధ్ర ప్రదేశ్ రాష్ట్రంలో ప్రత్యేక తెలంగాణ రాష్ట్ర సాధన కోసం జరుగుతున్న సకల జనుల సమ్మె నేపథ్యంలో తెలంగాణ అంశంపై స్పందించాలని కోరగా తాను తెలంగాణపై ఎలాంటి వ్యాఖ్యలు చేయనని దానిపై మాట్లాడటానికి తాను జాతీయ నేతను కాదన్నారు. కేరళలోని అనంతపద్మనాభ స్వామి ఆలయానికి వందల ఏళ్ల చరిత్ర ఉందని చెప్పారు. ఆలయానికి గట్టి భద్రత కల్పిస్తామన్నారు.

పద్మనాభ స్వామి ఆలయంలోని ఆరో గది తెరిచే విషయమై సుప్రీం కోర్టు ఆదేశాల మేరకే నడుచుకుంటామని స్పష్టం చేశారు. హైదరాబాదులో జరిగిన ఓ కార్యక్రమంలో పాల్గొనడానికి ఆయన బుధవారం వచ్చారు. కాగా అనంత పద్మనాభ స్వామి సంపదను బయటకు తీయాలన్న సిపిఎం ప్రతిపాదనను ఇంతకుముందు ఉమన్ ఛాందీ వ్యతిరేకించిన విషయం తెలిసిందే. పద్మనాభ స్వామి ఆలయం సంపద ఆలయంలోనే ఉండాలని ఆయన అభిప్రాయపడ్డారు.

Published On September 21, 2011