బోర్డు తిప్పేసిన ప్రొఫెషనల్ సాఫ్ట్ ఐటి కంపెనీ

హైదరాబాద్: నగరంలో మరో సాఫ్టువేర్ కంపెనీ బోర్డు తిప్పేసింది. హైదరాబాదులోని సోమాజిగూడలో కొన్నాళ్ల క్రితం ప్రొఫెషనల్ సాఫ్ట్ పేరుతో ఓ కంపెనీ వెలిసింది. ఉద్యోగాలు ఇస్తామని చెబుతూ కంపెనీ యాజమాన్యం నిరుద్యోగులకు ఎర వేసింది. దాదాపు మూడు వందల మందికి పైగా నిరుద్యోగులను సమీకరించి ఉద్యోగాలు ఇప్పిస్తామని చెప్పి వారి వద్ద నుండి సుమారు రూ.యాభై వేల నుండి రూ.లక్ష వరకు తీసుకొని పరారైనట్లు సమాచారం.

ప్రాజెక్టులు లేక పోయినా ఉన్నాయని చెప్పి వారిని మభ్య పెట్టారు. అయితే డబ్బులు ఇచ్చినప్పటికీ తమకు ఉద్యోగాలు రాకపోవడం, వచ్చినా రెండు మూడు నెలలే ఉద్యోగంలో ఉంచే వారు. విధులలో ఉన్న వారు ఎవరైనా ప్రాజెక్టు పైన అడిగితే ఉద్యోగం నుండి తొలగించే వారు. దీంతో బాధితులు పంజాగుట్ట పోలీసు స్టేషన్‌ను ఆశ్రయించారు. పోలీసులు కేసు నమోదు చేసుకొని ఫిర్యాదు చేస్తున్నారు.

English summary

Another IT company cheating revealed today in Hyderabad. Professional soft IT company cheated unemployees with employment.