పల్లె వెలుగు బస్సు నడిపిన మంత్రి బాలరాజు

హైదరాబాద్: మంత్రి బాలరాజు బుధవారం బస్సు నడిపారు. విశాఖపట్నంలోని ద్వారకా బస్సు స్టేషన్‌లో ఆయన ఉదయం బస్సులను ప్రారంభించారు. ఈ సందర్భంగా ఆయన పల్లె వెలుగు బస్సును నడిపి అందరినీ ఆశ్చర్యంలో ముంచెత్తారు. అంతకుముందు ఆయన మూడు సూపర్ లగ్జరీ, ఒక ఎక్స్‌ప్రెస్, పది పల్లెవెలుగు మొత్తం పద్నాలుగు బస్సులను జెండా ఊపి ప్రారంభించారు. ఈ కార్యక్రమంలో నగర మేయర్ జనార్దన్, శాసనసభ్యులు ద్రోణంరాజు శ్రీనివాస్, పెందుర్తి శాసనసభ్యులు రమేష్ బాబు తదితరులు పాల్గొన్నారు.

కాగా ఇటీవలే హైదరాబాదులో రవాణా శాఖ మంత్రి, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ మూడు వందల ఇంద్ర బస్సులు ప్రారంభించిన విషయం తెలిసిందే. నెలకు మూడు వందల బస్సుల చొప్పున రెండేళ్లలో ఆరు వేల బస్సులు ప్రవేశ పెడతామని చెప్పారు. ఇంద్ర బస్సులు రాష్ట్రంలోని జిల్లాల రాజధానుల నుండి హైదరాబాదుకు రవాణా చేస్తాయి.

English summary

Minister Balaraju drive palle velugu bus today in Vishakapatnam district.