సిఎం కిరణ్‌ను కలిసిన ఇద్దరు జగన్ వర్గం ఎమ్మెల్యేలు

By Srinivas

Published: Friday, December 2, 2011, 12:48 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వర్గానికి చెందిన మరో ఇద్దరు శాసనసభ్యులు శుక్రవారం ముఖ్యమంత్రి కిరణ్ కుమార్ రెడ్డిని కలిశారు. ఎమ్మెల్యేలు బాబూరావు, బాలరాజులు సిఎంను కలిశారు. అయితే వారు ఎందుకు కలిశారనే అంశంపై పూర్తిగా తెలియరాలేదు. అయితే ఇటీవల జగన్ వర్గానికి చెందిన ఎమ్మెల్యేలు పలువురు సిఎంను కలవడం చర్చానీయాంశమయింది. శుక్రవారం అసెంబ్లీ సమావేశాలు వాయిదా పడిన అనంతరం వారు సిఎంతో భేటీ అయ్యారు.

కాగా గురువారం అమర్నాథ్ రెడ్డి, శ్రీకాంత్ రెడ్డి, శ్రీనివాసులు, రామచంద్రా రెడ్డి, గుర్నాథ్ రెడ్డి, పూతలపట్టు రవి, ఆదినారాయణ రెడ్డి, కాటసాని రాంభూపాల్ రెడ్డి స్పీకర్ నాదెండ్ల మనోహర్‌తో భేటీ అయిన విషయం తెలిసిందే. ఇటీవల జగన్ వర్గానికి చెందిన అత్యధిక ఎమ్మెల్యేలు తెలుగుదేశం పార్టీ అవిశ్వాసం పెడితే ప్రభుత్వానికి అనుకూలంగా ఓటు వేస్తామని చెబుతున్నారు.

Published On December 2, 2011