విభజనతో సీమాంధ్ర అభివృద్ధి: కిషన్, ఇంటింటికీ వెళ్తాం

By Srinivas

Published: Monday, December 12, 2011, 17:42 [IST]

హైదరాబాద్: ప్రత్యేక రాష్ట్ర సాధన ద్వారానే సీమాంధ్ర ప్రాంతం మరింత అభివృద్ధి చెందుతుందని భారతీయ జనతా పార్టీ సీనియర్ శాసనసభ్యుడు, పార్టీ రాష్ట్ర అధ్యక్షుడు కిషన్ రెడ్డి సోమవారం అన్నారు. సీమాంధ్ర ఏర్పడితే వచ్చే లాభాలు, ప్రయోజనాలతో కూడిన ఓ పుస్తకాన్ని ఆయన హైదరాబాదులో ఆవిష్కరించారు. ఈ సందర్భంగా మాట్లాడారు. సీమాంధ్ర ప్రత్యేక రాష్ట్ర సాధన కోసం ఇంటింటికీ తిరిగి ఉద్యమం చేపడతామని చెప్పారు.

ఇప్పటికే సదస్సులు, సభలతో ప్రజల్ని ఐక్యం చేస్తున్నామని చెప్పారు. విభజన జరిగితే ఒనగూడే ప్రయోజనాలపై విస్తృతంగా చర్చ జరగాల్సి ఉందని అభిప్రాయపడ్డారు. ఈ నెల 9న జరిగిన కాకినాడ సదస్సుకు మంచి స్పందన వచ్చిందన్నారు. సముద్ర తీర ప్రాంతంలో అనేక పరిశ్రమలు వచ్చే అవకాశంతో పాటు ఆర్థిక వనరులు ఉన్న మరో తెలుగు రాష్టం ఏర్పడుతుందన్నారు.

Published On December 12, 2011