హిందూజా వద్ద ఎమ్మెల్యే రమేష్ ఆధ్వర్యంలో ఆందోళన

By Srinivas

Published: Monday, December 12, 2011, 11:09 [IST]

విశాఖపట్నం: హిందూజా ప్రాజెక్టు పనులు నిలిపివేయాలని డిమాండ్ చేస్తూ కట్టడం వద్ద శాసనసభ్యుడు రమేష్ ఆధ్వర్యంలో నిర్వాసితులు ఆందోళన చేశారు. దీంతో అక్కడ ఉద్రిక్త పరిస్థితి ఏర్పడింది. తమకు ఉపాధి కల్పించడంతో పాటు పరిహారం చెల్లించాలని ఆందోళనకారులు డిమాండ్ చేశారు. సుమారు ముప్పై రెండు గ్రామాల నిర్వాసితులు ఈ ఆందోళనలో పాల్గొన్నారు. పరిస్థితి చేయి దాటకుండా ఉండేందుకు అక్కడ భారీగా పోలీసులను మోహరించారు.

ఇటీవలే అఖిలపక్షాలు, సిఐటియు ఆధ్వర్యంలో కూడా నిర్వాసితులు ఆందోళనకు దిగారు. అయితే ప్రభుత్వం మాత్రం వారిపై ఆందోళనకు ఏమాత్రం స్పందించలేదు. ఇప్పటి వరకు ప్రభుత్వం, అధికారుల నుండి ఎలాంటి స్పందన రాకపోవడంతో నిర్వాసితులు మరోసారి ఎమ్మెల్యే రమేష్ ఆధ్వర్యంలో ఆందోళనకు దిగారు.

Published On December 12, 2011