ముళ్లైపెరియార్ డ్యాం వివాదం: మంత్రి పైకి చెప్పులు

By Srinivas

Published: Monday, December 12, 2011, 9:14 [IST]

చెన్నై: ముళ్లైపెరియార్ డ్యాం వివాదం తమిళనాడు, కేరళ సరహద్దుల్లో తీవ్ర ఉద్రిక్తతను రాజేస్తూనే ఉంది. తమిళనాడు సరిహద్దు పట్టణం ఐన కుమలీలో ఆదివారం తీవ్ర అలజడి రేగింది. తనను కేరళకు చెందిన వ్యక్తులు కొట్టారంటూ ఓ యువకుడు చెప్పడంతో ఆగ్రహంతో సుమారు పదివేల మంది రహదారిపై బైఠాయించారు. రాకపోకలను అడ్డుకున్నారు. పరిస్థితి గమనించి మంత్రి పన్నీర్‌సెల్వం వారితో మాట్లాడేందుకు అక్కడకు వచ్చారు. అతనిని ఆందోళనకారులు ఘెరావ్ చేశారు. కొందరు ఆయనపై చెప్పులు విసిరారు. దీంతో పరిస్థితి అదుపు తప్పింది.

పోలీసులు లాఠీఛార్జ్ చేసి ఆందోళనకారులను చెదరగొట్టారు. ఈ ఘటనలో సుమారు 50 మంది గాయపడ్డారు. పోలీసులు మంత్రిని సురక్షితంగా అక్కడ నుండి పంపించేశారు. ఆ తర్వాత నిరసనకారులు సరిహద్దులో కేరళ భూభాగంపై రాళ్లు విసిరారు. దీంతో అటువైపు నుంచి కూడా రాళ్ల దాడి మొదలైంది. పోలీసులు వారిని చెదరగొట్టారు. పలువురు ఆందోళనకారులను పోలీసులు అరెస్టు చేశారు.

Published On December 12, 2011