బిజెపి మాజీ ఎంపి వెంకట స్వామి కన్నుమూత

By Srinivas

Published: Monday, February 6, 2012, 15:34 [IST]

హైదరాబాద్: తిరుపతి పార్లమెంటు మాజీ సభ్యులు నందిపాకు వెంకట స్వామి సోమవారం కన్నుమూశారు. వెంకట స్వామి గత కొంతకాలంగా ఆనారోగ్యంతో బాధపడుతున్నారు. దీంతో ఆయనను హైదరాబాద్ నిమ్స్ ఆసుపత్రికి తరలించారు. చికిత్స పొందుతున్న ఆయన ఆసుపత్రిలో మృతి చెందారు. ఆయన వయస్సు తొంభయ్యేళ్లు. ఆయన 1999 నుండి 2004 మధ్య తిరుపతి ఎంపిగా పని చేశారు. 1999లో భారతీయ జనతా పార్టీ తరఫున ఆయన గెలుపొందారు. అప్పుడు తెలుగుదేశం, బిజెపి పొత్తు పెట్టుకొని పోటీ చేశాయి.

ఆయన స్వగ్రామం తిరుపతి రూరల్‌లోని గంగిరెడ్డిపల్లి. ఆయనకు ఇద్దరు మగ పిల్లలు. ఇద్దరూ అమెరికాలోనే ఉంటున్నారు. ఆయన ఐఏఎస్ అధికారిగా కూడా పని చేశారు. ఆయన పిల్లలు విదేశాల్లో ఉండటంతో మృతదేహాన్ని వారు వచ్చే వరకు నిమ్స్‌లోనే భద్రపర్చనున్నారు. వెంకట స్వామి మృతి పట్ల బిజెపి నేతలు సంతాపం ప్రకటించారు.

Published On February 6, 2012