అమ్మాయి బ్లాక్‌మెయిల్: ఐఐటి తెలుగు విద్యార్థి అరెస్టు

ఢిల్లీ/కాన్పూర్: ఐఐటి కాన్పూర్ విద్యార్థినిని బ్లాక్‌మెయిల్ చేసినందుకు గాను ఓ ఐఐటి ఢిల్లీ విద్యార్థిని కాన్పూర్ పోలీసులు గురువారం అరెస్టు చేశారు. ఐఐటి ఢిల్లీ క్యాంపస్‌లో అతనిని అరెస్టు చేసి విచారణ కోసం కాన్పూర్ తీసుకు వెళ్లారు. నిందితుడు భూక్య సురేందర్, ఆంధ్ర ప్రదేశ్ వరంగల్ జిల్లాకు చెందిన వ్యక్తి. సురేందర్ ఐఐటి ఢిల్లీలో టెక్స్‌టైల్ ఇంజనీరింగ్ మూడో సంవత్సరం చదువుతున్నాడు. అమ్మాయిని కిడ్నాప్ చేయడానికి యత్నించడంతో పాటు ఆమెను బలవంతంగా పెళ్లి చేసుకునేందుకు నిందితుడు ప్రయత్నించాడు. బాధితురాలు ఐఐటి కాన్పూర్‌లో బిటెక్ మొదటి సంవత్సరం చదువుతోంది. ఈమె గత సంవత్సరం నవంబర్‌లో సురేందర్‌పై స్థానిక పోలీసులకు ఫిర్యాదు చేసింది. ఆమె ఫిర్యాదు మేరకు పోలీసులు అతనిని అదుపులోకి తీసుకున్నారు.

సదరు విద్యార్థిని గత నవంబరులో తన పర్సు, ఫోన్ పోగొట్టుకుంది. అవిన సురేందర్‌కు దొరికాయి. తనను కలిస్తే ఫోన్, పర్స్ ఇస్తానని ఆమెకు సురేందర్ చెప్పాడు. ఆమె తన వస్తువులను తీసుకునేందుకు అతనిని కలుస్తానంది. ఢిల్లీ వెళ్లిన ఆమెను నిందితుడు సురేందర్ ఓ గుడికి తీసుకు వెళ్లాడు. అక్కడ ఆమెను బలవంతంగా పెళ్లి చేసుకునేందుకు ప్రయత్నించాడు. కానీ ఆమె తప్పించుకుంది. తనను పెళ్లి చేసుకోకుంటే మొబైల్‌లో ఉన్న తన ఫోటోలను మిస్ యూజ్ చేస్తానని ఆమెను బెదిరించాడు. అనంతరం ఆమె మొబైల్‌కు, ఈ-మెయిల్, ఫేస్‌బుక్‌లకు అసభ్యకర సందేశాలు పంపించాడు. దీంతో ఆమె పోలీసులకు ఫిర్యాదు చేసింది.

English summary

An IIT-Delhi student was arrested here from the college campus for allegedly blackmailing a girl of IIT Kanpur.