ఓటమితో ఉత్తరప్రదేశ్ బిజెపి అధ్యక్షుడి రాజీనామా

లక్నో: ఉత్తరప్రదేశ్ ఎన్నికల్లో ఓటమికి నైతిక బాధ్యత వహిస్తూ బిజెపి రాష్ట్రాధ్యక్షుడు సూర్య ప్రతాప్ సాహీ గురువారం రాజీనామా చేశారు. తన రాజీనామా లేఖను ఆయన పార్టీ జాతీయాధ్యక్షుడు నితిన్ గడ్కరీకి పంపించారు. ఉత్తరప్రదేశ్‌లో పార్టీ ఓటమికి నైతిక బాధ్యత వహిస్తూ తన రాజీనామా లేఖను సాహీ జాతీయాధ్యక్షుడికి పంపించారని పార్టీ వర్గాలు చెప్పాయి.

తాను పార్టీ జాతీయాధ్యక్షుడికి వ్యక్తిగత లేఖ రాశానని, అంతకు మించి వివరాలు తాను చెప్పలేనని సాహీ అన్నారు. బిజెపికి గత శాసనసభలో 51 సీట్లు ఉండగా ఈ ఎన్నికల్లో ఆ సీట్లు 47కు తగ్గిపోయాయి. కుషీనగర్‌లోని పథర్దేవా నుంచి పోటీ చేసిన సూర్య ప్రతాప్ సాహీ కూడా ఓడిపోయారు. ఒక రకంగా ఉత్తరప్రదేశ్‌లో బిజెపి తీవ్రంగా దెబ్బ తిన్నట్లే.

English summary

BJP state president Surya Pratap Shahi today send his resignation to party national president Nitin Gadkari, owing moral responsibility for the electoral debacle in Uttar Pradesh elections.