తెలంగాణపై స్పందించిన మండలి, యువతకు విజ్ఞప్తి

By Pratap

Published: Monday, March 26, 2012, 12:38 [IST]

హైదరాబాద్: తెలంగాణ అంశంపై శాసనసమండలి సోమవారం స్పందించింది. తెలంగాణ సమస్యను త్వరగా పరిష్కరించాలని కోరుతూ శాసనమండలి తీర్మానం చేసింది. తెలంగాణ కోసం ఆత్మహత్య చేసుకున్న విద్యార్థి బోజ్యా నాయక్‌కు మండలి సంతాపం తెలియజేసింది. ఆత్మహత్య చేసుకోవద్దని విద్యార్ధులను, యువతను కోరుతూ కూడా శాసనమండలి తీర్మానం చేసింది. ఆత్మహత్యలు చేసుకోవద్దని శాసనమండలి చైర్మన్ చక్రపాణి తెలంగాణ యువతను కోరారు.

తెలంగాణపై తీర్మానం ప్రతిపాదించాలని కోరుతూ తెలంగాణ రాష్ట్ర సమితి (తెరాస), బిజెపి సభ్యులు, స్వతంత్ర అభ్యర్థి నాగం జనార్దన్ రెడ్డి పట్టుబట్టడంతో శాసనసభా కార్యక్రమాలు స్తంభించాయి. దీంతో స్పీకర్ నాదెండ్ల మనోహర్ శానససభను రేపటికి వాయిదా వేశారు. అనంతరం తెరాస శాసనసభ్యులు మండలి చైర్మన్ చక్రపాణిని కలిసి తెలంగాణపై విన్నవించారు. ఆ తర్వాత శాసనమండలి ఆ తీర్మానం చేసింది.

Published On March 26, 2012