• search
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వేదికపై అంజన్ అసంతృప్తి: కవితకి చేదు అనుభవం

By Srinivas
|
Anjan Kumar Yadav - Kavitha
హైదరాబాద్: సికింద్రాబాద్ పార్లమెంటు సభ్యుడు అంజన్ కుమార్ యాదవ్ కాంగ్రెసు పార్టీ మేధోమధన సదస్సులో తన అసంతృప్తిని వేదికపై వ్యక్తపర్చారు. కాంగ్రెసు పార్టీకి యాదవులంటే చులకనగా ఉన్నట్లుగా ఉందన్నారు. దేశవ్యాప్తంగా యాదవులు ఎంతోమంది ఉన్నా.. ఆ వర్గానికి కేంద్రమంత్రి వర్గంలో ఒక్కరికి కూడా అవకాశం ఇవ్వక పోవడమేమిటని ప్రశ్నించారు. నామినేటెడ్ పోస్టులను త్వరలో భర్తీ చేయాలని సూచించారు.

కార్యకర్తల సేవలను ముఖ్యమంత్రి కిరణ్ కుమార్ రెడ్డి గుర్తించాలని కోరారు. యాదవులకు పదవులు ఇవ్వమని రాష్ట్ర కాంగ్రెసు నేతలు ఒక్కసారైనా పార్టీ అధినేత్రి సోనియా గాంధీకి చెప్పారా అని అడిగారు. బిసిలి, మైనార్టీలకు కూడా ఉప ప్రణాళిక అమలయ్యేలా చూడాలని విజ్ఞప్తి చేశారు. అన్ని వర్గాలకు న్యాయం జరిగేలా ఉప ప్రణాళికలు అమలయ్యేలా ముఖ్యమంత్రి చొరవ చూపించాలన్నారు. పార్టీలో నిజమైన కార్యకర్తలకు అన్యాయం జరుగుతోందన్నారు.

దేశంలో 22 కోట్ల మంది యాదవులు ఉన్నారన్నారు. దక్షిణాది నుంచి గెలిచిన ఏకైన యాదవ ఎంపీని తానేనని చెప్పారు. యుపిఏ ప్రభుత్వం వచ్చినప్పటి నుండి బిసిలకు మంత్రి పదవి రాలేదన్నారు. బిసిలకు ప్రాధాన్యత ఇస్తేనే బాగుంటుందన్నారు. కాంగ్రెసు పార్టీ ద్వారానే అందరికీ న్యాయం జరుగుతుందని కార్మిక శాఖ మంత్రి దానం నాగేందర్ అన్నారు. ప్రజా సంక్షేమ పథకాలు ఇలాగే అమలుపరుస్తూ.. కార్యకర్తలకు ప్రాధాన్యం ఇస్తే వచ్చే సార్వత్రిక ఎన్నికల్లోనూ కాంగ్రెసు పార్టీ తిరుగులేని శక్తిగా ఎదుగుతుందన్నారు.

కవితకు చేదు అనుభవం

అంతకుముందు మహబూబాబాద్ ఎమ్మెల్యే కవితకు చేదు అనుభవం ఎదురయింది. వేదిక వద్ద ఉన్న విఐపిల గ్యాలరీలోకి కవితను అనుమతించలేదు. భద్రతా సిబ్బంది ఆమెను అడ్డుకున్నారు. దీంతో ఆమె సమావేశం ప్రాంగణం బయట బైఠాయించారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని anjan kumar yadav వార్తలుView All

English summary
Secunderabad MP Anjan Kumar Yadav has questioned Congress party High Command on cabinet reshuffle on Sunday.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more