పార్టీ ఫిరాయించిన ఎంపీలపై చర్యలు తీసుకోండి, లేదంటే తప్పుడు సంకేతాలు: స్పీకర్‌కు విజయసాయి

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
      జంపింగ్ ఎంపీలను తొలగించండి

      న్యూఢిల్లీ: తమ పార్టీ తరఫున అభ్యర్థులుగా ఎన్నికల్లో పోటీ చేసి గెలిచి పార్టీ ఫిరాయించిన ఎంపీలపై తక్షణం అనర్హత వేటు వేయాలని వైయస్సార్‌ కాంగ్రెస్‌ పార్లమెంటరీ పార్టీ నేత వి.విజయసాయిరెడ్డి లోక్‌సభ స్పీకర్‌ సుమిత్రా మహాజన్‌కు విజ్ఞప్తి చేశారు. వారిపై అనర్హత వేటు వేసి ప్రజాస్వా మ్యాన్ని కాపాడాలని కోరారు.

      ఈ మేరకు ఆయన వినతిపత్రాన్ని శుక్రవారం స్పీకర్‌కు సమర్పించారు. వైయస్సార్‌సీపీ టిక్కెట్లపై గెలుపొంది ఇతర పార్టీల్లోకి ఫిరాయించి రాజ్యాంగస్ఫూర్తికి విరుద్ధంగా ప్రవర్తించిన ఎంపీలు ఎస్పీవై రెడ్డి, కొత్తపల్లి గీత, పి.శ్రీనివాస్‌రెడ్డి, బుట్టా రేణుకలను అనర్హులుగా ప్రకటించాలని జనవరి 3, 2018న అప్పుడు చీఫ్‌విప్‌గా ఉన్న వైవీ సుబ్బారెడ్డి స్పీకర్‌కు లేఖ రాశారని గుర్తు చేశారు.

      YSRCP Demands Expulsion Of Defected MPs

      'ఫిరాయింపులకు పాల్పడిన ఎంపీలపై పార్టీ ఫిరాయింపుల నిరోధక చట్టం కింద చర్యలు తీసుకోవాలని మా పార్టీ డిసెంబర్‌ 14, 2016న మీ వద్ద పిటిషన్‌ దాఖలు చేసింది. అయినప్పటికీ ఇప్పటివరకు వారిపై అనర్హత నిర్ణయం ప్రకటించలేదు. ఈ పిటిషన్‌పై ఎలాంటి చర్యలు తీసుకోనందువల్ల.. నిబంధనలు ఉల్లంఘించినప్పటికీ ఎలాంటి చర్యలు ఉండవన్న సంకేతాన్నిస్తూ ఇతర ఎంపీలు కూడా పార్టీ ఫిరాయించేందుకు విశ్వాసం కలిగించింది' అని అన్నారు.

      'రాజ్యాంగ స్ఫూర్తికి విరుద్ధంగా ప్రవర్తించిన ఎంపీలపై చర్య తీసుకుని మీరు(స్పీకర్) మార్గదర్శిగా నిలవాలని కోరుతున్నా. ఆ నలుగురు సభ్యులపై అనర్హత వేటేసి ప్రజాస్వామ్యాన్ని కాపాడాలని అభ్యర్థిస్తున్నా..'' అని విజయసాయిరెడ్డి విన్నవించారు.

      English summary
      YSR Congress party (YSRCP) Parliamentary party leader V Vijaya Sai Reddy today met Lok Sabha Speaker Sumitra Mahajan and requested her to expel the four MPs who won the election on YSRCP ticket and later shifted loyalties to the ruling Telugu Desam Party (TDP). The Rajya Sabha MP presented a memorandum to the Speaker, requesting her to immediately suspend the MPs.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more