మహానుభావులను ఇంత దారుణంగా చంపేస్తారా?, మీదే రాజ్యమా ? మాజీ సీఎం ఫైర్!

బెంగళూరు/బెళగావి: కర్ణాటకలోని బెళగావి జిల్లా చిక్కోడి తాలూకాకు చెందిన కామకుమార్ నంది మహారాజ్ హత్య కేసును సీబీఐకి అప్పగించాలని డిమాండ్ చేస్తూ మాజీ ముఖ్యమంత్రి బసవరాజ్ బోమ్మయ్ ఆధ్వర్యంలో బీజేపీ శాసన సభ్యులు శాసనసభలో నిరసనకు దిగారు. ఈ సందర్భంగా సభలో మాట్లాడిన మాజీ ముఖ్యమంత్రి బసవరాజ్ బోమ్మయ్ జైన ముని హత్యను ఇతర హత్యలతో పోల్చడం సరికాదన్నారు.

ఎవరిపైనా హింస అక్కర్లేని జైన మహర్షులకు కరెంటు షాక్‌లు ఇచ్చారని, దీని వెనుక కుట్ర దాగి ఉందన్నారు. ఈ సందర్భంలో చంపి ఇన్ని ముక్కలుగా కోసి బోరుబావిలో వేయడానికే సమయం దొరికిందంటే.. ఎంత ముందుగా ప్లాన్ చేసుకున్నాడో అదే నిదర్శనమని మాజీ సీఎం బసవరాజ్ బోమ్మయ్ ఆరోపించారు. ఈ కేసులో ఎవరినైనా రక్షించేందుకు ప్రయత్నించారనే అనుమానం కలుగుతోందపి, ఈ. కేసును సీబీఐకి అప్పగించడం వల్ల రాష్ట్ర పోలీసుల గౌరవం ఏ మాత్రం తగ్గదని బసవరాజ్ బోమ్మయ్ అన్నారు.

గతంలో చాలా కేసులు సీబీఐకి అప్పగించారు. ఈ కేసును సీబీఐకి అప్పగించడం వల్ల మీకు వచ్చే నష్టమేంటి? సీబీఐకి ఇవ్వకపోతే అనుమానం వస్తుంది. సీబీఐ విచారణ జరిపించాలని కోరుతూ సభా బావి వద్ద బైఠాయించి బైఠాయించారు. కర్ణాటక ప్రభుత్వం అధికారంలోకి వచ్చి రెండు నెలలు కూడా పూర్తి కాకుండానే ప్రజలు విసిగిపోతున్నారని బీజేపీ నాయకులు మండిపడుతున్నారు.

కామకుమార్ నంది మహారాజ్ ను పక్కా ప్లాన్ ప్రకారం హత్య చేశారని కొందరు నాయకులు ఆరోపిస్తున్నారు. కర్ణాటకలో కాంగ్రెస్ ప్రభుత్వం అధికారంలోకి వచ్చి రెండు నెలల కూడా పూర్తి కాకుండానే జైన మతానికి చెందిన వ్యక్తి హత్యకు గురి కావడం కలకలం రేపింది. జైన మత గురువు హత్య కేసు సీబీఐకి అప్పగించాలని బీజేపీ నాయకులు డిమాండ్ చేస్తున్నారు.

English summary

Basavaraj bommai is demanding that the Jain guru's murder case be handed over to the CBI