ఐటీ హబ్ లో జంట హత్యలు, ఎయిర్ పోర్టులో బ్రాండ్ బ్యాండ్ కంపెనీ ఓనర్ అరెస్టు !

బెంగళూరు: ఐటీ హబ్ బెంగళూరులో జరిగిన జంట హత్యల కేసులో భారీ ట్విస్ట్ వెలుగు చూసింది. ఈ కేసులో బ్రాడ్‌బ్యాండ్ యజమానిని పోలీసులు అర్థరాత్రి బెంగళూరు అంతర్జాతీయ విమానాశ్రయంలో అరెస్టు చేసి తీసుకెళ్లినట్లు సమాచారం. మంగళవారం మధ్యాహ్నం హెబ్బాల్-కెంపపుర మార్గం మధ్యలోని అమృత హళ్లి సమీపంలో జంట హత్యలు జరగడం కలకలం రేపింది.

జంట హత్యల కేసు దర్యాప్తు చేస్తున్న బెంగళూరు పోలీసులు బ్రాడ్‌బ్యాండ్ కంపెనీ యజమానిని కెంపేగౌడ అంతర్జాతీయ విమానాశ్రయంలో అరెస్టు చేసి తీసుకెళ్లినట్లు సమాచారం. గ్నెట్ బ్రాడ్‌బ్యాండ్ యజమాని అరుణ్ కుమార్ ఆజాద్ ఢిల్లీ నుంచి విమానంలో వచ్చి బెంగళూరు అంతర్జాతీయ విమానాశ్రయంలో అర్ధరాత్రి దిగారు. సార్ కోసం అప్పటికే అక్కడ మకాం వేసిన పోలీసులు అరుణ్ కుమార్ ఆజాద్ ను అదుపులోకి తీసుకున్నారు.

విమానాశ్రయం నుంచి అరుణ్ కుమార్ ను పిలుచుకుని వెళ్లిన తరువాత జంట హత్యల కేసులో అతడిని విచారణకు తీసుకెళ్లినట్లు బెంగళూరు పోలీసు వర్గాలు తెలిపాయి ఫైబర్‌నెట్ కంపెనీ ఐరోనిక్స్ మీడియా ప్రైవేట్ లిమిటెడ్ మేనేజింగ్ డైరెక్టర్ ఫణీంద్ర సుబ్రహ్మణ్యను తొలగించేందుకు కన్నడ రాపర్ మరియు ఇన్‌స్టాగ్రామ్ ఇన్‌ఫ్లుయెన్సర్ జోకర్ ఫెలిక్స్‌తో సహా ముగ్గురిని ఆజాద్ నియమించినట్లు సమాచారం.

మంగళవారం హెబ్బాల్-కెంపాపురలోని పంపా ఎక్స్‌టెన్షన్‌లోని కంపెనీ కార్యాలయంలో ముగ్గురు సభ్యుల బృందం సుబ్రహ్మణ్య, ఏరోనిక్స్ సీఈవో వినుకుమార్‌లను హత్య చేసిన ఘటనకు సంబంధించి ఈ పరిణామం చోటు చేసుకుంది. ఏరోనిక్స్ మరియు గ్నెట్ బ్రాడ్‌బ్యాండ్ మధ్య వ్యాపార పోటీ ఈ జంట హత్యలకు కారణమని తెలిసింది. అయితే జంట హత్యల కేసు విచారణలో ఉందని, త్వరలో పూర్తి సమాచారం ఇస్తామని బెంగళూరు పోలీసు అధికారులు అంటున్నారు.

English summary

Bengaluru police have arrested the owner of a broad band company in the case of twin murders