హైదరాబాద్ నుంచి నేరుగా మైసూరుకు: కాచిగూడ-బెంగళూరు ఎక్స్ ప్రెస్ పొడిగింపు
మైసూరు: కాచిగూడ-బెంగళూరు మధ్య నడిచే ఎక్స్ ప్రెస్ రైలును మైసూరు వరకు పొడిగించారు. మైసూరు రైల్వేస్టేషన్ లో మంగళవారం ఈ రైలు పట్టాలు ఎక్కింది. మైసూర్ లోక్ సభ సభ్యుడు ప్రతాప సింహ జెండా ఊపి ఈ రైలును ప్రారంభించారు.
సవరించిన షెడ్యూల్ ఇదీ..
ప్రతిరోజూ సాయంత్రం 7:05 నిమిషాలకు కాచిగూడ నుంచి బయలుదేరే నంబర్ 12785 ఎక్స్ ప్రెస్ మరుసటి రోజు తెల్లవారు జామున 6:25 నిమిషాలకు బెంగళూరు క్రాంతివీర సంగోళి రాయణ్ణ బెంగళూరు స్టేషన్ కు చేరుకుంటుంది. అక్కడి నుంచి 6:40 నిమిషాలకు బయలుదేరి ఉదయం 9:40 నిమిషాలకు మైసూరుకు చేరుకుంటుంది.
అదే రోజు మధ్యాహ్నం 2:45 నిమిషాలకు మైసూరు నుంచి బయలుదేరే నంబర్ 12786 ఎక్స్ ప్రెస్ సాయంత్రం 5:40 నిమిషాలకు బెంగళూరు స్టేషన్ కు చేరుకుంటుంది. అక్కడి నుంచి 6:20 నిమిషాలకు బయలుదేరి మరుసటి రోజు తెల్లవారు జామున 5:40 నిమిషాలకు కాచిగూడకు చేరుకుంటుంది.
చాలారోజుల నుంచి కాచిగూడ ఎక్స్ ప్రెస్ ను మైసూరు వరకు పొడిగించాలని తాము డిమాండ్ చేస్తున్నామని మైసూర్ ఎంపీ ప్రతాప సింహ తెలిపారు. ఎట్టకేలకు తమ డిమాండ్ కార్యరూపం దాల్చిందని చెప్పారు.
Click it and Unblock the Notifications
Sign in with Google